«Денсаулыққа құқық!» тақырыбында Облыстық СПИД-тің алдын-алу және онымен күресу орталығы, Ордабасы аудандық білім бөлімінің ұйымдастыруымен «Кәусар» гимназиясында акция өткізілді.
АИТВ жұқтырғандарды кемсіту мен таңбалаудың алдын-алу, АИТВ жұқтырған адамдарға қолдау көрсету және оларға түсіністікпен қарау бойынша оқыту бейне фильмдері мен бейнероликтері көрсетілді.
АИТВ/ЖИТС туралы өлеңдер оқытылды.
Облыстық СПИД орталығының дәрігер эпидемиологтары Ұ.Байдилдаева, Ү.Мухаметалина тыңдаушыларға ЖИТС-тің тарихы, алдын-алу шаралары, АИТВ-ның берілу жолдары туралы баяндады. Баяндамаға жиналғандар Қазақстан Республикасындағы және облыстағы АИТВ-ның эпиджағдайы туралы ақпарат алды. Әр түрлі сұрақтар бойынша талдау жүргізілді.
Акцияға 300 адам қатысты.
