Түркістан облысының Қоғамдық денсаулық сақтау департаменті және ЖИТС орталығының мамандарымен бірлесіп, Дүниежүзілік ЖИТС-пен қарсы күрес күніне орай ағымдағы жылдың 26 қарашасында "Мирас" колледжінде "Өз мәртебеңді біл" ұранымен іс- шара өткізді. ЖИТС-ке қарсы күрес орталығының маманы эпидемиолог-дәрігері А.Ертаев жастарға АИТВ-жұқпасы және ЖИТС жайлы негізгі ақпарат беріп, оның жұғу жолдарын, алдын-алу жолдарын, онымен байланысты стереотиптер жайлы, АИТВ-жұқтырған немесе ЖИТС-пен ауыратын адамдарды ауруына байланысты таңба басу және қоғамнан аластатуды алдын алу жөнінде түсіндіру жұмыстарын жүргізді. Іс-шара соңында колледж студенттері «Біз жат қылықтарға қарсымыз» деген тақырыпта флеш-моб ұйымдастырды.