2019 жылдың 23 қазанында "Жоғарғы медицина колледжінің" студент қыздары арасында «Қыздар арасында ерте жастағы жүктілікті алдын алу» тақырыбында семинар-тренинг өтті.Шараның ұйымдастырушылары - Шымкент қаласы отбасы, балалар және жастар істері жөніндегі басқармасының «Жастар ресурстық орталығы», Салауатты өмір салтын қалыптастыру орталығы және ЖИТС-тің алдын-алу және оған қарсы күрес жөніндегі орталық мамандары. Іс-шара барысында Жастар ресурстық орталығының мамандары кәмелеттік жасқа толмағандардың арасында жыныстық қатынастың алдын алу және жоспарсыз жүктілікті болдырмау мақсатында бейнероликтерді көрсетті. Студенттер АИТВ/ЖИТС туралы шынайы ақпарат ала отырып, қауіпсіз мінез-құлық дағдысына және АИТВ-мен өмір сүруші адамның құқықтарына құрмет көрсетуді үйренді.
Мақала авторы: Ф.Абдиева, Н.Жургенбаева.