2022 жылдың 17 тамызда, сағат 15:00-де Қазақстан Республикасы Кәсіподақтар федерациясының тәжірибелі лекторлар пулының мүшесі Майра Боранбаеваның қатысуымен семинар – тренинг өтеді.

Семинар барысында ҚР Еңбек заңнамасы және оны қолдану тәжірибесі, әлеуметтік әріптестік, ұжымдық шарттың тараптары мен келіссөздер жүргізу, еңбек дауларының алдын алу және оларды басқару мен шешу жолдары, Келісім комиссиясының жұмысын ұйымдастыру, еңбек қауіпсіздігі және еңбекті қорғау, кәсіподақтар қызметінің құқықтық негіздері мен кепілдіктері, кәсіподақ қозғалысының көшбасшысы, еңбекті қорғау бойынша техникалық инспекторлардың жұмысы жайлы баяндама жасалады.

Осыған орай, аталған семинар сағатына өздеріңізден бөлек бастауыш кәсіподақ ұйымының төрағаларын да толық қатысуларын қамтамасыз етсеңіздер. Егер белгілі-бір себептерге байланысты қатыса алмай қалған жағдайда өз тараптарыңыздан басқа адамның қатысуын сұраймыз.

Семинар-тренингке қатысатын тыңдаушының аты-жөнін ағымдағы жылдың 15 тамызына дейін хабарлауларыңызды сұраймыз.

     2022 жылдың 28-шілде куні   ДСБ «ЖИТС-тің алдын – алу  және оған қарсы күрес жөніндегі орталық» МКҚК-ның мамандары Ф.Абдиева, Л.Джанабаеваның қатысуымен  №3ші  арнаулы әлеуметтік қызметтер көрсету орталығында  «АИТВ инфекциясының алдын алу»  тақырыбында    дәріс өткізілді. АИТВ- инфекциясына  ерікті түр тексерілем деушілерге жедел тест қойылды.

Сонымен  бірге ақпараттық танымдық материалдар таратылды.

Мақала авторы: эпидемиолог дәрігері Ф. Абдиева

КВИ-ге шалдыққандардың  басым бөлігін екпе алмаған азаматтар құрап отыр – Бас санитарлық дәрігер

Қазақстанда күн сайын 2,7 мыңнана аса КВИ жұқтыру жағдайы тіркеліп отыр және олардың көп бөлігін екпе алмаған азаматтар құрап  отыр, – деп мәлімдеді денсаулық сақтау вице-министрі – ҚР Бас мемлекеттік санитарлық дәрігері Айжан Есмағамбетова Орталық коммуникациялар қызметінде өткен брифингте.

«Қазақстанда 20 маусымнан бері КВИ-мен сырқаттанушылықтың өсімі байқалуда. Соңғы аптада алдыңғы аптамен салыстырғанда сырқаттанушылық 1,9 есе – 8156-дан 15503 жағдайға  дейін артты. Тәулігіне КВИ+ 2700-ге дейінгі жағдайы, ал КВИ-  20 жағдайы тіркелуде», – деді вице-министр.

Әйтсе де соңғы аптада ауырып қалғандардың 70%-ы 3 өңірге – Алматы, Нұрсұлтан қалаларына және Қарағанды облысына тиесілі.

А. Есмағамбетованың айтуынша,  Алматы мен Нұр-Сұлтан қалаларының мысалында, ауырғандардың 80%-ы екпе алмаған немесе екпе алғанына 6 айдан асқан жандар екенін көруге болады. Бұл КВИ-ге вакцинацияның  қажет екенін тағы да нақтылап отыр.
Бүгінгі таңда КВИ-ге қарсы вакцинациямен ел халқының   56%-ы немесе вакцина алуға тиісті ересек адамдардың 80%-дан аса бөлігі  қамтылған.

«COVID-19 қарсы ревакцинация  алдыңғы вакциналар көмегімен қалыптасқан иммунитетті сақтауға және ағзаның аурудан қорғанысын күшейтуғка бағытталғанын айтқым келеді. Өкінішке қарай, КВИ-мен ауырғандар сияқты екпе алғандардың да ағзасының инфекциядан қорғану деңгейі уақыт өте төмендейді, нәтижесінде адам қайтадан инфекция жұқтыруы мүмкін. Сондықтан бастапқы вакцинациясы курсын алғаннан кейін 6 айдан соң КВИ-ге қарсы ревакцинациядан өтуге кеңес береміз»  деп  түйіндеді А.Есмағамбетова.