2021 жылдың 7 қарашасында Шымкент қаласындағы Академик Ә.Қуатбеков атындағы Халықтар достығы университетінің және «ЖИТС тің алдын алу және оған қарсы күрес жөніндегі орталық» MKҚК-нің қызметкерлерінің ұйымдастыруымен «Сақтан ұрпақ, ЖИТС деген қатерден» атты дөңгелек үстел және Дүниежүзілік ЖИТС пен күрес күніне орай «Теңсіздікті жою. ЖИТС-ті тоқтату. Пандемияны аяқтау.» ұранымен науқан өткізілді. Іс-шара барысында АИТВ/ЖИТС туралы толық мәлімет берілді. Ерікті түрде жедел - тест жүргізіліп, салауатты өмір салтын ұстану насихатталды. Жұмыс барысында тестіге дейін және тестіден кейінгі кеңес беріліп, ақпараттық танымдық материалдар таратылды. Карантин кезіндегі, жасыл аймаққа сәйкес шектеу талаптары сақталды.
Мақала авторы: Психолог Д.Кутмамбетова