16.10.2018ж Түркістан қалалық мәдениет үйінде колледж студенттері, мектеп оқушылары арасында «АИТВ/ЖИТС-тің алдын алу шаралары» және «Жастар нашақорлыққа қарсымыз!» атты акция ұйымдастырылды.
ЖИТС-тің алдын алу және оған қарсы күрес жөніндегі орталығының дәрігер инфекционисті Хасанова Г.Ж, мәдениет үйінің директоры Шәмет Л.Т қатысуымен колледж студенттері, мектеп оушылары арасында «АИТВ/ЖИТС-тің алдын алу шаралары» «Жастар нашақорлыққа қарсымыз!» атты акция өткізілді. Акция барысында АИТВ/ЖИТС-ң берілу жолдары, алдын алу шаралары, АИТВ – мен өмір сүретін адамдарды кемсету және шеттетудің алын алу бойынша баяндама оқылды, жастар жаман әдеттен бойларын алшақ ұстауға, салауатты өмір салтын ұстануға талпындырылды, ақпараттық кітапшалар таратылды. Тыңдармандар арасынан сұрақтар қойылып, жауап берілді. Акцияға 150 адам қатысты.
Мақала авторы: дәрігер инфекционист Г.Ж.Хасанова