2018 жылдың 13-16 қараша күндері Дүниежүзілік ЖИТС-ке қарсы кампания қарсанында «Өз мәртебеңді біл!» ұранымен Қазығұрт ауданында жастар арасында бірқатар науқан және флешмоб ұйымдастырылды. Шымкент қаласының денсаулық сақтау басқармасының ЖИТС-тің алдын алу және оған қарсы күрес жөніндегі орталық және Қазығұрт аудандық Салауатты өмір салтын қалыптастыру орталығының мамандары оқушылар арасында ақпараттық танымдық материалдарды таратып, АИТВ/ЖИТС жайлы негізгі ақпарат беріп, оның жұғу жолдарын, алдын алу жолдарын, онымен байланысты стереотиптер жайлы, АИТВ жұқтырған немесе ЖИТС-пен ауыратын адамдарды ауруына байланысты таңба басу және қоғамнан аластатуды алдын алу жөнінде түсіндіру жұмыстарын жүргізді. Оқушылар мен студенттер науқанға атсалысып белсенді түрде қатысты.
Мақала авторы; мұғалім Н.Жургенбаева
