Міндетті әлеуметтік медициналық сақтандыру жүйесі деген не?
Міндетті әлеуметтік медициналық сақтандыру жүйесі (МӘМС) - денсаулық сақтау мүддесін әлеуметтік қорғаудағы мемлекеттік жүйе болып табылады. МӘМС Қазақстанның барлық сақтандырылған азаматтарына жынысына, жасына, әлеуметтік жағдайына, тұрғылықты жерiне және табысына қарамастан медициналық және дәрілік көмекке тең қолжетімділік жасауға кепілдік береді. Міндетті әлеуметтік медициналық сақтандыру (МӘМС) - ауру, жарақат алу, туу және жҥктілік, мүгедектік және кәрілік жағдайларында халықтың денсаулығыың мүддесін әлеуметтік тұрғыда қорғау нысаны. Көптеген дамыған елдер мұқтаждығы артық тұрмысы төмен адамдарға ресурстарды қайта бөлуге мүмкіндік беретін МӘМС жүйесін таңдаған.
Қазақстанда қолданыстағы заңнамаға сәйкес үлес ставкасының мөлшері - жұмыс берушілер 2020 жылдан бастап 5% мөлшерінде; - Қызметкерлер - 2%.
Міндетті медициналық сақтандырудың негізгі артықшылықтары: Аз қаражатпен МӘМС шеңберінде қызметтердің толық пакетін алу! Медициналық сақтандыру қорына жарналар енгізу арқылы, сіз қабылдаудан бастап дәрігердің терең тексерулеріне дейін және МӘМС пакеті шеңберінде қымбат операцияларға, кез-келген емханада медициналық қызметтердің барлық түрлеріне қол жеткізе аласыз; Барлығы айқын түрде болады! Сақтандырылған азамат жеке электрондық денсаулық сақтау - жүйесіндегі жеке кабинеті арқылы көрсетілетін медициналық қызметтердің, денсаулық жағдайын, ақылы жарналары туралы барлық ақпаратты көре алады. Міндетті медициналық сақтандыру жүйесі қалай жұмыс жасайтын болады? Жарналар жасалған болса, азамат автоматты түрде сақтандырылған болады. Осылайша, сақтандыру жарналарының ең төменгі мөлшерімен, соның ішінде қызметтердің барлық пакетіне қол жеткізе алады. Қоры, өз кезегінде, белгілі бір талаптарға сай медициналық қызметтер жеткізушілерімен келісім-шарттар жасасады, және медициналық көмектің сапасын қатаң бақылайды.
Әлеуметтік медициналық сақтандыру қоры ретінде қызмет етеді: - тегін медициналық көмектің кепілдік берілген көлемі (ТМККК) шеңберінде медициналық қызметтерге ақы төлеу операторы - МӘМС медициналық қызметтердің пакетін стратегиялық сатып алушы медициналық қызмет көрсету алушылар - ол қоры әрқашан сақтандырылған тұлғалардың мүдделерін қорғаушы болып, есте ұстау маңызды болып табылады.
МӘМС жүйесінде сақтандырылған азаматтар қандай медициналық көмек ала алады?
- алғашқы медициналық-санитарлық көмек амбулаториялық тегін қамтамасыз етіледі және күндізгі күтім, профилактика, диагностика, аурулар мен жағдайларды емдеу, жүктілік кезеңін бақылау, медициналық манипуляция, т.б. кіреді.
- мамандандырылған және жоғары технологиялық медициналық көмек, оның ішіне профилактика, диагностика, арнайы техниканы және күрделі медициналық технологияларды пайдалануды талап ететін аурулар емдеу кіреді
- жедел медициналық жәрдем жедел медициналық араласуды талап ететін жағдайларда (апаттар, жарақат, улану, кенеттен пайда болған қатты ауру) медициналық ұйымдарды тыс шұғыл немесе төтенше түрінде қарастырылған амбулаториялық немесе стационарлық көмек.
- Жоспарланған медициналық көмек науқастың өміріне қауіп төндірмейтін, аурулар мен жағдайлары үшін ауруханада қарастырылған.
- дәрі-дәрмек қамтамасыз ету - амбулаторлық медициналық көмек көрсету кезінде Медбике күтімі – ауру нәтижесінде тұрақты үй көмекгіне мұқтаж болған немесе өздері қамқорлық жасай алмайтын тұлғаларға көмек көрсету,
- паллиативтік - жазылмайтын, өміріне қауіп төндіретін аурулар және ауру адамға жайлылықтың ықтимал деңгейде жатқан ауыратын науқастардың өмір сүру сапасын қамтамасыз ету.
Есте сақтаңыз!
Мемлекеттік тегін медициналық көмектің мынадай түрлеріне кепілдік береді:
- жедел жәрдем және санитариялық авиация;
- әлеуметтік маңызы бар ауруларға медицианлық көмек(онкологиялық аурулар, туберкулез, диабет және т.б.) және төтенше жағдайларда
- Профилактикалық егу
Мақаланың авторы: Есіркепов Е.Ж., ЖИТС орталығының эпидемиологиялық бөлімінің меңгерушісі
