М.Әуезов атындағы Оңтүстік Қазақстан университетінде Шымкент қаласы ішкі саясат және жастар істері жөніндегі басқармасының «Жастар ресурстық орталығы» КММ-сі ұйымдастыруымен АИТВ-инфекциясын, нашақорлықтың алдын алу түсіндірме жұмыстары жүргізілді.
Кездесуге Шымкент қаласының денсаулық сақтау басқармасының «ЖИТС-тің алдын алу және оған қарсы күрес жөніндегі орталық» МКҚК-нің профилактикалық жұмыстар бөлімінің мұғалімі Жургенбаева Назира, ШЖҚ Психикалық денсаулық сақтау орталығының нарколог дәрігері Шайкенова Асель және Шымкент қаласының Полиция департаменті Есірткі қылмысына қарсы іс-қимыл басқармасының аса маңызды істер жөніндегі аға жедел уәкілі, полиция майоры Бауыржан Қанатұлы қатысты.
Мамандар жастарға АИТВ-инфекция және ЖИТС жайлы негізгі ақпарат беріп, оның жұғу жолдарын, алдын-алу амалдарын түсіндіріп, сол арқылы жастардың өз еркімен тексерілуге талпынысын жоғарлатуға бас назар аударды.
Мақаланың авторы: Шымкент қаласы ЖИТС орталығының мұғалімі Н.Жургенбаева.