2018 жылғы 09 қараша күні Шымкент қаласы Диваев көшесі, 46 мекен-жайында орналасқан Айбек атындағы №14 жалпы орта мектеп пен Қарасу мөлтек ауданы, 28а орналасқан №99 «Гүлдер» бала бақшасында Шымкент қаласының СПИД-тің алдын алу және онымен күресу орталығының маманы Медетова А.Ж. мен қалалық салауатты өмір салтын қалыптастыру орталығының маманының ұйымдастыруымен 08-11 сынып оқушылары, ұстаздар мен бала бақша тәрбиешілерінің арасында «Өз мәртебеңді біл!» тақырыбында дәріс пен семинар өткізілді.
Оқушылар және мұғалімдер іс-шаралар барысында АИТВ/ЖИТС туралы шынайы ақпарат ала отырып, қауіпсіз мінез-құлық дағдысына және АИТВ-мен өмір сүруші адамның құқықтарына құрмет көрсетуді үйренді.
Іс-шараға 541 адам қатысты.