2019 жылдың 28 наурыз күні «Сәлем» әлеуметтік қалашығында Шымкент қаласы отбасы, балалар және жастар жөніндегі басқармасының Жастар ресурстық орталығы мен ЖИТС-тің алдын алу және оған қарсы күрес жөніндегі орталығының мамандары колледж студенттеріне семинар мен квест ұйымдастырды. Студенттер ЖИТС-тің таралуын алдын алуға арналған «ЭкСПИДиция» деп аталатын интерактивті көрмеге қатысып, АИТВ-ға шалдығу қаупі төнген адамның өмірлік тәжірибесін көрме ішімен 15 минутта интерактивтік серуендеу арқылы бастан кешеді.
Іс-шараның мақсаты жастарды АИТВ/ЖИТС-ке әкеліп соқтыратын әрекеттерден ұстап қалу және АИТВ-ның адамдардың өміріне қаншалықты қауіпті екенін көрсету.
Мамандар жастарға АИТВ-жұқпасы және ЖИТС жайлы негізгі ақпарат беріп, оның жұғу жолдарын, алдын алу жолдарын, онымен байланысты стереотиптер жайлы, АИТВ жұқтырған немесе ЖИТС-пен ауыратын адамдарды ауруына байланысты таңба басу және қоғамнан аластатуды алдын алу жөнінде түсіндіру жұмыстарын жүргізді. Бағдарламаға үйрету ойындары мен талқылаулар кіреді.
Мақала авторы: мұғалім Н.Жургенбаева.
