2022 жылға арналған МӘМС төлемдері төмендегідей:
2022 жылғы 1 қаңтардан бастап жұмыс беруші қызметкері үшін жалақы деңгейінің 3%-ын төлейді. Аударманың ең жоғарғы сомасы 10 ЕТЖ-ның 3%-18000 теңгеден аспауы тиіс. 2022 жылғы ең төменгі жалақы 60 000 теңгені құрайды.
Қызметкерлер және АҚС шарты бойынша табыс табатындар өз табысының 2% төлейді.
ЖК және жеке практикамен айналысатын азаматтар – 1 ЕТЖ 1,4 еселенген мөлшерінің 5%-ы немесе 4200 теңге төлейді
(60000*1,4)*5% =4200 тг.
Дербес төлеушілер үшін жарна сомасы 2022 жылы 3000 теңгені (1 ЕТЖ-ның 5%) құрайды
БЖТ:
Астанада, республикалық және облыстық маңызы бар қалаларда – 1 АЕК (3063 тг)
Басқа елді мекендерде тұратын тұлғалар үшін – 0,5 АЕК (1531,5 тг)
Жұмыс берушілер МӘМС-ке мына санаттарға төлем жасамайды:
- Балалар;
- Зейнетақы төлемдерін алушылар;
- Мүгедектер;
- Күндізгі бөлімде оқитындар;
- Көп балалы аналар, «Алтын алқа» және «Батыр ана» марапаты иелері, сондай-ақ I және II дәрежелі «Ана даңқы» ордендерімен марапатталғандар.
МӘМС-ке қайда төлуге болады?
- Екінші деңгейлі банктер және олардың интернет-сервистері мен мобильді қосымшалары;
- «Қазпошта» АҚ бөлімшелері;
- Төлем терминалдары (Qiwi, Kassa 24. т.б.).
Мақаланың авторы: Ахмедова Э.С. Шымкент қ. ЖИТС орталығының маманы