Ұлттық ұлан №6506 әскери бөлімінің қызметкерлері мен сарбаздары арасында құқық бұзушылықтың, нашақорлықтың және АИТВ/ЖИТС–тің алдын алу бағытында арнайы мамандармен дәріс өткізілді.
Іс-шараға Шымкент қаласының Полиция департаменті Есірткі қылмысына қарсы іс-қимыл басқармасының аға жедел уәкілі полиция майоры, «Психикалық денсаулық орталығының» және «ЖИТС-тің алдын алу және оған қарсы күрес жөніндегі орталығының» мамандары, Әскери тергеу басқармасының өкілдері қатысты.
Сабақ барысында қатысушыларға қызметте және сапта құқық бұзушылықтарға жол жоқтығы, зиянды әдеттерге бет бұрмау қажеттілігі жеткізіліп, заңда белгіленген жауапкершілік туралы толыққанды мәліметтер берілді.
 Іс-шара қорытындысымен арнайы мамандарға тыңдаушылар тарапынан қызықтыратын сұрақтар қойылып, нақты жауаптар алынды.
Мақала авторы: Н.Жургенбаева