🌸 Дәрігерлер күніне орай Кел, сырласайық қыздар клубы аясында «Бақытым да, байлығым да - денсаулық» клуб отырысы №5 Жеңіл өнеркәсіп және сервис колледж студенттері мен мұғалімдері арасында өткізілді.
🌸Шара барысында Шымкент қаласының денсаулық сақтау басқармасының «ЖИТС-тің алдын алу және оған қарсы күрес жөніндегі орталық»-тың маманы Жүргенбаева Назира жастарға АИТВ-жұқпасы және ЖИТС жайлы негізгі ақпарат беріп, оның жұғу жолдарын, алдын-алу жолдарын, онымен байланысты стереотиптер жайлы, АИТВ жұқтырған немесе ЖИТС-пен ауыратын адамдарды ауруына байланысты «таңба басу» және қоғамнан аластатуды алдын алу жөнінде түсіндіру жұмыстарын жүргізді. Шара соңында адам жанының арашасы бола білген дәрігерлер қауымына алғыс сезімді жеткізіп, кітапхана атынан орталық маманы мереке күнімен марапатталды.