Дүниежүзілік ЖИТС-пен күрес күні – 1 желтоқсанда атап өтіледі, бұл күнді алғаш рет 1988 жылы ДДҰ жариялады. Биылғы жылы Қазақстанда Дүниежүзілік кампания аясында 20 қараша мен 1 желтоқсан аралығында ЮНЭЙДС ұсынған «Көшбасшылық – Қауымдастықтарға!» тақырыбында онкүндік өткізу жоспарлануда.
Дүниежүзілік ЖИТС-пен қарсы күрес күні - бұл қауымдастықтардың мүмкіндіктерін кеңейту және оларға күресте жетекшілік етуге көмектесу үшін әрекетке шақыру. 2023 жылы өтілетін кампания ЖИТС-ке қарсы әрекет етуде жергілікті қоғамдастық басшылығының әлеуетін толық іске асыру үшін АИТВ-ға қарсы әрекет ету бойынша барлық жоспарлар мен бағдарламаларда қауымдастықтың рөлін бекіту қажет екеніне бағытталған. Сондай-ақ жоспарлар мен бағдарламаларды бюджеттеу, енгізу, мониторингілеу және бағалау қажеттілігін ескеру. "Бізсіз біз үшін ештеңе жоқ", АИТВ-ға қарсы іс-қимыл ауқымының қажетті өсуін қамтамасыз ету үшін толық және сенімді қаржыландыру және қолдау қажет. «ЖИТС-тің тоқтамауы оны тоқтатудан қымбатырақ түседі»" және қауымдастықтардың осы процесте көшбасшылық рөлдерді алуға кедергі келтіретін кез келген жайттарды жою.
«Бүгінгі таңда біздің елімізде және соның ішінде қаламызда АИТВ-инфекциясымен жұмыс жасау дүниежүзілік стандартқа сай жоғары дәрежеде атқарылады. Бұл есепте тұратын науқастардың сәтті ем алуына, толық дені сау бала дүниеге әкелулеріне жол ашты. Көрсетілген жетістік қауымдастық көшбасшыларымен бірге атқарылған еңбектің жемісі деп білемін», - деді орталықтың бас дәрігері Б. Сырбек.
Бүгінгі таңда АИТВ-мен өмір сүретін 1676 адам антиретровирустық терапияны қабылдауда. Антиретровирусты терапияның қол жетімділігін кеңейтудің арқасында АИТВ инфекциясымен науқастану және өлім -жетім азайып, АРТ қабылдаушылардан вирус жұғу қаупі төмендеді. АИТВ-ға тестілеу - өзінің статусын білуге және терапияны алуға мүмкіндік береді. АИТВ инфекциясына тестілеу және емделу тегін жүргізіледі. Қабылданған шаралар жүкті әйелдерде АИТВ-ны дер кезінде анықтауға және көп жағдайда инфекцияның анадан балаға жұғуына жол бермеуге көмектеседі.
Бүгінгі таңда алдын алу іс-шараларымен медицина қызметкерлері, студенттер мен оқытушылар, бизнес-құрылымдар ғана емес өмір салтының ерекшеліктеріне байланысты АИТВ инфекциясын жұқтырудың жоғары қаупіне ұшыраған халықтың негізгі топтары да қамтылуда.
Шымкент қаласындағы ЖИТС-тің алдын алу және оған қарсы күрес орталығы АИТВ-мен өмір сүретін адамдардың иммунитетінің жағдайын анықтауға, сондай-ақ антиретровирустық терапияның тиімділігін бақылауға мүмкіндік беретін соңғы үлгідегі анализатормен жабдықталған, ол ДДҰ ұсынған соңғы 4-буын сынақтарымен жұмыс істейді, АИТВ-ны қанда ғана емес, сілекей сұйықтығында да анықтауға мүмкіндік береді.
