2018 жылдың 20 қарашасында Дүниежүзілік ЖИТС-ке қарсы кампания қарсанында «Өз мәртебеңді біл!» ұранымен Абу Али Ибн Сина колледжінің мәжіліс залында студенттер флешмоб ұйымдастырып, көрініс қойып, интерактивті ойындарға қатысып, бейнероликтерді тамашалады. Шымкент қаласының денсаулық сақтау басқармасының ЖИТС-тің алдын алу және оған қарсы күрес жөніндегі орталық мамандары АИТВ/ЖИТС тарихына қысқаша шолу жасап, АИТВ - инфекцияның әлем және Қазақстан бойынша таралуы, эпидемиологиялық жағдай статистикасымен таныстырды. Тыңдаушыларда АИТВ/ЖИТС туралы негізгі түсінік қалыптасып, (этиология, патогенез, клиника), АРТ мақсаты мен пациенттердің құқықтары жайлы білім алды. Жастарды АИТВ алдын алу шаралары туралы білуге, өз денсаулықтарына жауапты болуға, салауатты өмір салтын ұстануға, психикалық денсаулығын сақтауға, зиянды әдеттерден аулақ болуға және үнемі анализ тапсыру арқылы АИТВ статусын білуге шақырды.
Мақала авторы: профилактикалық жұмыстар бөлімінің мұғалімі Н.Жургенбаева
