Қазақстанның мемлекеттік рәміздері тәуелсіздік алғаннан кейін 1992 жылы 4 маусымда бекітілді. Бұл күн ел тарихында жаңа мемлекеттік рәміздер күні ретінде мәңгі есте сақталады. Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, мызғымас негіздерінің бірі. Рәміздер – ұлттық байлығымыз, ел тарихына, мемлекеттік тілге, мәдениет пен салт-дәстүрге деген терең құрметтің қайнар көзі. Отан тағдырындағы ең маңызды сәттерде бізді біріктіретін де – мемлекеттік рәміздер. Дүние жүзіндегі бізді айқындайтын да Ту мен Елтаңба. Ал ресми халықаралық іс-шараларда Туымыз көтеріліп, Отанымыздың Әнұраны шырқалғанда әрбір қазақстандық мақтаныш пен патриоттық сезімді сезінетіні айқын.
Аталмыш мереке қарсаңында Шымкент қаласының ДСБ «ЖИТС-тің алдын алу және оған қарсы күрес жөніндегі орталық» МКҚК салтанатты жиын өткізді. Жиын барысында орталықтың бас дәрігердің орынбасарының міндетін атқарушы Е.Ж.Есиркепов мерекенің ерекшеліктеріне тоқталып, қызметкерлерді мерекемен құттықтады.
Еліміздің бірден-бір нышаны саналатын рәміздерімізді құрметтеп, қастерлей білу – бүгінгі, ертеңгі ұрпақтың парызы.