Шымкент қаласы ЖИТС орталығында «Ашық есік» күні өткізілді.

      Медицина қызметкерлерінің кәсіби мерекесіне және ЖИТС (СПИД) қызметіне – 30 жыл толуына орай, 12 маусым күні ЖИТС орталығында «Ашық есік»  күні өткізілді. Іс-шараның  мақсаты: тұрғындардың АИТВ статусын анықтау, АИТВ (ВИЧ)-ның жұғу жолдары, алдын алу шаралары жайында түсінік беру. Аталмыш күні инфекционист, психолог, гинеколог, дерматовенеролог мамандары кеңес берді. Адамдар АИТВ-ны анықтау үшін жедел тестілеуден өтіп, 15 минут ішінде өздерінің АИТВ статусын анықтай алды.  Анализ анонимді түрде тегін қабылданды. Жедел тестілеуге - 36 адам, ИФА-ға - 67 адам қан тапсыды, 50 шақты адам дәрігерлерден кеңес алды. 

Мақаланың авторы: Ахмедова Э.С., ЖИТС орталығының маманы.

ВИДЕО

07.06.19.ж

Шымкент қаласы № 167/10 түзету мекемесінде семинар өтті.

      Шымкент қаласы  ЖИТС–тің алдын алу және оған қарсы қүрес жөніндегі орталықтың  дәрігер эпидемиологі  Байдилдаева У.С.  Шымкент қаласы № 167/10 түзету мекемесінде  жеке құрамның және сотталушылардың арасында семинар өткізді.

     Семинар барысында Республикалық және облыс, қала көлеміндегі эпидемиологиялық жағдай бойынша түсінік берілді. АИТВ жұқтырғандарды кемсіту мен таңбалаудың алдын алу, АИТВ жұқтырған адамдарға қолдау көрсету және оларға түсіністікпен қарау бойынша оқыту бейнефильмдері мен бейнероликтері көрсетілді.

      Семинар өткізудің мақсаты  АИТВ/ЖИТС туралы шынайы ақпарат бере отырып, жауапты, қауіпсіз тәлімдік дағдыларын қалыптастыру және АИТВ-мен өмір сүруші адамның құқықтарына құрмет көрсетуге тәрбиелеу. Салауатты өмір салтын қалыптастыру.

Мақаланың авторы: Байдилдаева У.С., дәрігер эпидемиолог

03.06.2019ж.   Медициналық қызметкерлерінің спартакиадасы өтті.

        Қазақстан Республикасы Президентінің  2016 жылғы  15 қаңтардағы №176 Жарлығымен бекітілген Қазақстан Республикасы денсаулық сақтау саласын дамытудың 2016-2019 жылдарға арналған «Денсаулық» бағдарламасын іске асыру мақсатында Шымкент қаласында Медициналық қызметкерлерінің спартакиадасы өтті.                                                                                                            Спартакиаданың мақсаты: медицина қызметкерлері арасында жеткілікті дене белсенділігінің маңызы туралы ақпарат беруді арттыру,  өз денсаулықтарына ортақ жауапкершіліктерін , сонымен қатар халық арасында дене белсенділігі мен спортты насихаттау, дене белсенділігімен айналысуға медицина қауымын жұмылдыру.

       Спартакиада барысында волейбол, футбол, арқан тарту, үстел теннисі т.б спорт түрлері жүргізілді. Спартакиадаға ЖИТС орталығының ұжымы да қатысып, волейболдан бірінші, жалпы команда бойынша үшінші орынды иемденді. Спартакиада соңында кубок және т.б сый- сияпаттармен марапатталды.

Мақаланың авторы: Ахмедова Э.С., журналист

                     31.05.2019    Міндетті әлеуметтік медициналық сақтандыру жүйесі

    Міндетті әлеуметтік медициналық сақтандыру жүйесі деген не? Міндетті әлеуметтік медициналық сақтандыру жүйесі (МӘМС) - денсаулық сақтау мүддесін әлеуметтік қорғаудағы мемлекеттік жүйе болып табылады. МӘМС Қазақстанның барлық сақтандырылған азаматтарына жынысына, жасына, әлеуметтік жағдайына, тұрғылықты жерiне және табысына қарамастан медициналық және дәрілік көмекке тең қолжетімділік жасауға кепілдік береді. Міндетті әлеуметтік медициналық сақтандыру (МӘМС) - ауру, жарақат алу, туу және жүктілік, мүгедектік және кәрілік жағдайларында халықтың денсаулығының мүддесін әлеуметтік тұрғыда қорғау нысаны. Көптеген дамыған елдер мұқтаждығы артық тұрмысы төмен адамдарға ресурстарды қайта бөлуге мүмкіндік беретін МӘМС жүйесін таңдаған.  Қазақстан міндетті медициналық сақтандыру үлгісін таңдағанда 50-ден астам елдің тәжірибесін ескерген. Әрбір азаматтың денсаулығы үшін жауапкершілік енді адамға, жұмыс берушіге және мемлекетке жүктеледі. Қаражат медициналық сақтандыру принциптеріне сәйкес, ортақ жауапкершілік негізінде таратылатын болады. Әр адам  ем қабылдау үшін медициналық ұйымды өзі таңдай алады.

                       ЖИТС орталығының дәрігері                                                         Бердиева Г.А.

29.05.2019  Міндетті әлеуметтік медициналық сақтандырудың басты үш қағидасы

Міндетті әлеуметтік медициналық сақтандыру жүйесі (МӘМС) - денсаулық сақтау мүддесін әлеуметтік қорғаудағы мемлекеттік жүйе болып табылады.
МӘМС Қазақстанның барлық сақтандырылған азаматтарына жынысына, жасына, әлеуметтік жағдайына, тұрғылықты жерiне және табысына қарамастан медициналық және дәрілік көмекке тең қолжетімділік жасауға кепілдік береді. МӘМС - ауру, жарақат алу, туу және жүктілік, мүгедектік және кәрілік жағдайларында халықтың денсаулығының мүддесін әлеуметтік тұрғыда қорғау нысаны. Міндетті әлеуметтік сақтандыру жүйесі мемлекеттің, жұмыс беруші мен өзін-өзі еңбекпен қамтыған азаматтардың міндетті сақтандыру төлемдерінен құралады. МӘМС-ті жүзеге асыруда өзіндік қағидалар да бар. Олар:

1. Міндеттілік - Қазақстан Республикасының әрбір тұрғыны міндетті әлеуметтік сақтандыру жүйесіне қатысуға тиіс.
2. Әлеуметтік әділдік - Әрбір сақтандырылған қатысушының төлеген жарна мөлшеріне қарамастан, қызметтің толық мүмкіндігін алу құқығы бар.
3. Ниеттестік - Денсаулық сақтау саласының ауыр жүгі мемлекет, жұмыс беруші және әр адамның өз мойнында.

Дәрігер:Умирзахова М